এটা শব্দত প্ৰকাশ কৰা | বাক্য-সংকোচন | schoolassam

এটা শব্দত প্ৰকাশ কৰা (বাক্য-সংকোচন)

একোটা বাক্যক একোটা শব্দত প্ৰকাশ কৰাকে বাক্য-সংকোচন কৰা বুলি কোৱা হয়। বাক্য-সংকোচনে কথা কোৱা, লিখা আৰু ভাব প্রকাশ কৰাত সহায় কৰে |  তলত ইয়াৰ বিষয়ে উল্লেখ কৰা হল-----------

যি সঁচা কথা কয়	সঁচাকথীয়া, সত্যবাদী
যি ঘৰত ওপজে	ঘৰ-ওপজা
যি নগৰত থাকে	নগৰীয়া
যি গাঁৱত থাকে	গাঁৱলীয়া
যি বিদেশত থাকে	প্রবাসী
যি বিদেশৰপৰা আহে	বিদেশী
যি ভয় নকৰে	নির্ভীক
আনৰ ভাল দেখিব নোৱাৰা	চকুচৰহা, পৰশ্ৰীকাতৰ
একে গুৰুৰ শিষ্য	হৰিভকত, সতীর্থ
একে শ্রেণীতে পঢ়া	সহপাঠী
একে মাকৰ সন্তান	সহোদৰ, সোদৰ
আঁঠুলৈ বৈ পৰা	আজানুলম্বিত
গোটেই জীৱন জুৰি	আজীৱন
মাগিলে ভিক্ষা নোপোৱা সময়	দুর্ভিক্ষ
যিজনে লিখা-পঢ়া নাজানে	নিৰক্ষৰ
জন্মৰপৰা অন্ধ যি	জন্মান্ধ
যাৰ মাক মৰিছে	মাউৰা
যি পুৰুষৰ তিৰোতা মৰিছে	বৰলা
যি তিৰোতাৰ পুৰুষ মৰিছে	বিধৱা
পুৰুষ (স্বামী) থকা তিৰোতা	সধৱা, আয়তী
গীত গোৱা পুৰুষ	গায়ক
গীত গোৱা মহিলা	গায়িকা
বিহুৰ আগৰ দিনটো	উৰুকা
দেশৰ বাবে বা মহৎ উদ্দেশ্যৰ বাবে মৃত্যুবৰণ কৰা লোক	শ্বহীদ, ছহিদ
কাৰো নাম নোলোৱাকৈ পৰা গালি	গুৱালগালি
যি দিনত নেদেখে	দিনকণা
দুই মাহৰ মাজৰ দিন	দোমাহী
ঘৰৰ চালৰ পানী পৰা ঠাই	পানী পচা
দুই ঘৰৰ মাজৰ ঠাই	দোঘোৰা
কঠীয়া পৰা ঠাই	কঠীয়াতলী
যি খেতি কৰে	খেতিয়ক
বুদ্ধি আছে যাৰ	বুধিয়ক
এবাৰ ফল দি মৰা গছ	ওষধি
দুই বছৰৰ মূৰত পোৱালি দিয়া গাই	দোৰাহী
পনীয়া গাখীৰ দিয়া গাই	জলাহী
ভেকুলীৰ পোৱালি	লালুকী
স্মৰণ কৰিবলগীয়া	স্মৰণীয়
যাক বিশ্বাস কৰিব নোৱাৰি	অবিশ্বাস্য
যাৰ বিয়া হোৱা নাই	আবিয়ৈ
যাৰ পুত্ৰ নাই	অপুত্রক
যাৰ জ্ঞান নাই	অজ্ঞান
যাৰ চেতনা নাই	অচেতন, জড়
যাৰ লাজ নাই	নিলাজ
যাৰ দয়া-মৰম নাই	নির্দয়
যাৰ সীমা নাই	অসীম
জিভাৰে চেলেকি চাব পৰা বস্তু	লেহ্য
যাৰ ঘৰ-বাৰী নাই	অঘৰী, যাযাবৰ
জলত চৰে বা থাকে যি	জলচৰ
জল-স্থল দুয়ো ঠাইতে থাকে	উভচৰ
সন্তান নোহোৱা তিৰোতা	বাঁজী
যাক এৰাই চলিব নোৱাৰি	অনিবার্য
জন্তুৰ নিচিনা যি	জান্তব
যি গৰমো নহয় ঠাণ্ডাও নহয়	কুহুমীয়া
যি বতৰ শীতো নহয় উষ্ণও নহয়	নাতিশীতোষ্ণ
মৰণ পর্যন্ত	আমৰণ
যি ফল কেঁচাও নহয় পকাও নহয়	ডাহেচীয়া
ডেকাও নহয় বুঢ়াও নহয়	আদহীয়া
মাৰ ভনীয়েক	মাহী
দেউতাৰ ভনীয়েক	পেহী
মাৰ ভায়েক	মামা, মোমাই
দেউতাৰ ভায়েক	খুড়া
দেউতাৰ ককায়েক	জেঠা, বৰদেউতা
মাৰ বায়েক	জেঠী, জেঠাই
এজন পুৰুষৰ একাধিক পত্নীৰ মাজৰ সম্পর্ক	সতিনী
মাৰ সতিনীয়েক	বিমাতা, মাহীমা
মাক-দেউতাকৰ আদৰৰ সন্তান	আলাসৰ লাৰু
কঁঠালৰ সৰু কলি	মুচি
গৰৈ মাছৰ সৰু	গৰৈচিৰিকা
কাৱৈ মাছৰ সৰু	কাৱৈচোকোৰা
বৰালি মাছৰ সৰু	বৰালিলেটা
ৰৌ মাছৰ সৰু	বৌমণি
ভকুৱা মাছৰ সৰু	ভকুৱাটেপা
শ'ল মাছৰ সৰু	শ'লঠাৰি
মাগুৰ মাছৰ সৰু	মাগুৰজালি
মাছৰ পোৱালি	পোনা
গৰুৰ পোৱালি	দামুৰি
দাঁত ওলোৱা হাতী	দঁতাল
তিয়হৰ সৰু	তিয়হজালি
দিনো নহয় ৰাতিও নহয়	সন্ধ্যা, সন্ধিয়া
দিনটোৰ মাজৰ সময়	দুপৰীয়া
যি মিছা কথা কয়	মিছলীয়া
গৃহস্থৰ অজ্ঞাতে বস্তু নিয়ে যি	চোৰ
যি এটা চকুৰে নেদেখে	কণা
যি দুয়োটা চকুৰে নেদেখে	অন্ধ
যি কথা ক'ব নোৱাৰে	বোবা (মুক)
যি কাণেৰে নুশুনে	কলা, বধিৰ
পোৱালি দিবৰ বয়স নোহোৱা মাইকী গৰু	কাঢ়লী
যি লিখা-পঢ়া জানে	সাক্ষৰ
যাক সহজে পোৱা যায়	সুলভ
যাক সহজে পোৱা নাযায়	দুর্লভ

Content Published by ABISMITA NATH & DHRUBA JYOTI DEKA